Ny mpino no fanasin'ny tany ary fahazavana ho an'ny mpiara-monina aminy

Ianareo, ianareo, no FANASIN’NY TANY,

Hahatonga fiainana mamy dia mamy,

Ny tsirom-pinoana tsy mba ho lany,

Hitehirizo fiainana hahatamana hatrany.

Ny herinao ry SIRA, tena vidina lafo,

Mahatonga tsiro ho an’ny sakafo,

Misy fiantraikany amin’ny fiarahamonina,

Hanafoana ratsy tsy tambo hotononina.

Ianao ilaina hiady amin’ny fahalovana,

Ilaina koa hananana ny fahadiovana,

Ny ratsy mandrava, toa kalalao,

Ho levona raha mifanena aminao.

Ny fihinanana anao mampangetaheta,

Hananam-piainana tena avo lenta,

Hitoeran’ny herim-pinoana mahery,

Hijoro ho masina sady modely.

Ianareo mihitsy no FAHAZAVANA,

Hamirapiratra eto amin’ny tanàna,

Handray ny taratra avy amin’i Jesoa,

Ilay Fahazavana tsy manam-paharoa.

Ilaina ianao tena hamirapiratra,

Hitsilo ny dian’ireo izay mihiratra,

Tsy hiraparapany anaty aizim-be, 

Atoroy azy izay tokony haleha.

Ny fanaovan-tsoa sy toetra tsara,

No fahazavana izay tiana hambara,

Ny aizim-pahotana sy tsy fahalalana,

Itariho azy hiala, tsy ho babon-tsatàna.

RY HAVANA,

Tandremonao sira ho tonga matsatso,

Mila lazaina izany, atao antsoantso,

Hanjary tsy misy ilana azy intsony,

Hohitsahin’ny olona, tsy hajainy ny zony.

Aza afenina ambany vata famarana,

F’aoka hirehitra tsy hanam-pitsaharana,

Apetraho amin’ny toerana fanaovan-jiro, 

Hanazava ny trano sy tena hitsilo.

Aoka ho tanàna an-tampon-tendrombohitra,

Ho tazana sy dinihin’ny iray vohitra,

Ho fianarana amin’ny toetra masina, 

Ambany fitarihan’ny Fanahy Masina.

 

Nirinan'i Jesoa.

Pasteur Randrianomenjanahary Narivelo Nirina,

FJKM AMBOHIMARINA FAHARETANA




Crée le mercredi 05 décembre 2018 à 12:47:26

Jereo ihany koa

  • Mijoroa

    Hira Faneva faha-50 taona ny FJKM. Hira nosoratan\'Andriamatoa RAMAROLAHY Mahazosoa Nirina.

    Fikambanana Fianarana

    » An-tsipirihany
  • II PET 2. 17-22 an-tononkalo

    Zavatra tsy mba mampitsiriritra, Ny hahitana loharano efa tena ritra, Tsy antenaina hahafaka izay hetaheta, Mandiso fanantenana[. . .]

    Pasteur Randrianomenjanahary Narivelo Nirina

    » An-tsipirihany
  • A l'occasion de la fête des pères

    Tu mets tes mains sur ton visage Tu me demandes si j\'étais sage Tu me prends sur tes genoux Et là contre toi, bi[. . .]

  • NY ANTONY

    Rehefa izy no milaza fa tsy vizana izy akory, Lazainy koa fa hoe : salama, hay ny rofiny afeniny ! Rehefa injay fa drodroky ny f[. . .]

    Sorohitra Ranitra

    » An-tsipirihany