II TAN 19.4-11 an-tononkalo

 

Tamin'ny andro nanjakan'i Josafata,

Ny fanompoan-tsampy no nahazo laka,

Tsy sitrany izany ho zavatra tazana,

Niriany ny hisian'ny tena fifohazana.

 

Sitrany ny olona hiverina amin'i Jehovah,

Ny fanao tsy mendrika rehetra hiova,

Mba ho Andriamanitry ny razany samirery,

No hivavahana fa io Mpamonjy ny very.

 

Ny Mpitsara nasaina handala fahamarinana,

Ny kolikoly tsy natao ho zavatra hifikirana,

Ny fizahan-tavan'olona ho tena zava-padiana,

Ndrao ny marina indray no hitondra fijaliana.

 

Anarina ny olona tsy ho meloka amin'ny Tsitoha,

Hiala amin'ireo ratsy izay efa nahavoa,

Ny marina no ampanjakaina amin'ny tany,

Mba ho foana ireo maditra sy be vinany.

 

Raha hitsara hahatsiaro fa ny Tompo Tsitoha,

No mila arahina didy sy sitrapo,

Izy no ekena ho mpanolo-tsaina hatrany,

Hijoroan'ny fahamarinana raha eto an-tany.

 

Enga anie hisy mpitondra toa an'i Josafata,

Fa mamela fianarana tsara ity tafatafa,

Manoro firenena hatahotra ny Mpahary,

Mitsodrano ny hafa mba hahalavorary.

 

 

Nirinan'i Jesoa.

Pasteur Randrianomenjanahary Narivelo Nirina,

FJKM AMBOHIMARINA FAHARETANA




Crée le jeudi 20 septembre 2018 à 01:20:47

Jereo ihany koa

  • Soratro ho an'i neny

    Litera kely maromaro Mba voasoratry ny tanako, No narafitro hifangaro Ilazako izay ananako. Ny Zana-tsoratra rehetra Ireo Nam[. . .]

  • Hira Faneva Faha 50 taona FJKM

    1- Taona maro no efa nijoroana Nitoriana Teny mahasoa Nihazomanao ny finoana Ry Fiangona-mamin\'ni Jesoa Isan\'andininy: T[. . .]

    Fikambanana Fianarana

    » An-tsipirihany
  • Vontosy filazantsara i Madagasikara

    Tononkalo fanentanana ho anao izay mitady ho kivy na hangatsiaka amin\'ny asa fanompoana sy fitoriana ny Filazantsara, nefa nametr[. . .]

    Irako AMMI A.

    » An-tsipirihany
  • MANGIDY-MAMY

    MANGIDY sy mafaitra, Mangeroka tsy laitra, Izato tsirom-piainana, Ka iza no itarainana? Toa tena tsirom-bahona, Masoandro tak[. . .]

    Pasteur Randrianomenjanahary Narivelo Nirina

    » An-tsipirihany