MIZARA HAFALIANA!

Ho gaga angamba ise raha ilazako

F’ilay bibikely, ilay mpitsindroka fako,

Dia tsy mba miavona na koa tia tena

Fa mizara fialofana amin’izay matahotra ho lena.

 

                              Tsy vitan’ny trano ity ifampizaràna

                              Fa ny rehetra ao anatiny tsy isalasalàna

                              Misitraka avokoa izay rehetra liana

                              Ka samy mibitaka sy feno hafaliana ! 

 

            Raha sendra ny tampoka ka tojo ny sarotra,

            Izy namana akaiky… afa-manavotra.

            Ireo tsy mahalala no zendana tokoa :

            F’ity vitsika kely anie manam-bavony roa  

 

                              Ny Iray voalohany ho azy manokana…

                              Ho entiny miatrika ny andavanandrony ;

                              Ilay faharoa indray kosa io no natokana

                              ho an’ireo namana tsy nahatratra ny tanjony.

 

                        Ilay fitiavana mizara no tsara ho tahafina

                        D’Ilay mitsinjo hatrany fa hiara-hotafita

                        Izay ilay fahendrena tsara hotarafina :

                        Hiaraha-misitraka izay rehetra vita.

 

            Tsy misy voailika izay efa nangonina

            Fa arahabaina avokoa ny rehetra mitsidika

            Koa raha tiana hilamina ny fiaraha-monina,

            Aleo ihany mandinika an’ilay tranom-bitsika.

 

Vitsika mpitarika 21 mars 2018


10
JIRajira


Crée le dimanche 15 avril 2018 à 12:17:04

Jereo ihany koa

  • MPITS 19. 22-30 an-tononkalo

    Ny manam-panahy miavaka, Manana toetram-pivavaka, Miaina am-pahamendrehana, Tia fandriam-pahalemana. Manavanana azy[. . .]

    Pasteur Randrianomenjanahary Narivelo Nirina

    » An-tsipirihany
  • Mahereza, Mahefa

    Hira faneva faha-140 taona niorenan\'ny Fiangonana FJKM Ambalavao Isotry

    RAKOTOARISOA Raymond

    » An-tsipirihany
  • 30 taona naha-mpitandrina 30 taona fanambadiana

    Tononkalo nosoratan\'i Jira natokana ho an-dRamatoa mpitandrina nohon\'ny faha-30 taona naha-mpitandrina azy ary koa faha-30 taona[. . .]

  • Hira Faneva Faha 50 taona FJKM

    1- Taona maro no efa nijoroana Nitoriana Teny mahasoa Nihazomanao ny finoana Ry Fiangona-mamin\'ni Jesoa Isan\'andininy: T[. . .]

    Fikambanana Fianarana

    » An-tsipirihany